കൊച്ചി: ദ്വീപിലെ പത്താം ക്ലാസ് വിദ്യാർത്ഥികൾക്ക് ഉന്നത വിദ്യാഭ്യാസ രംഗത്ത് പുത്തൻ പ്രതീക്ഷകളുമായി പാണക്കാട് തങ്ങൾ കുടുംബം നടത്തുന്ന സ്ട്രൈറ്റ്പാത്ത് ഇന്റർനാഷണൽ സ്കൂൾ (Straightpath International School). പത്താം ക്ലാസ് പൂർത്തിയാക്കുന്ന മിടുക്കരായ വിദ്യാർത്ഥികൾക്ക് സയൻസ് സ്ട്രീമിൽ പ്ലസ് വൺ, പ്ലസ് ടു എൻട്രൻസ് ഇന്റഗ്രേറ്റഡ് കോഴ്സുകൾ തികച്ചും സൗജന്യമായി പഠിക്കാനുള്ള സുവർണ്ണാവസരമാണ് ഇതിലൂടെ ഒരുങ്ങുന്നത്. നൂറു ശതമാനം സ്കോളർഷിപ്പോടെയുള്ള ഈ പദ്ധതിയിലൂടെ ആദ്യ ശ്രമത്തിൽ തന്നെ നീറ്റ് (NEET), ജെ.ഇ.ഇ (JEE) തുടങ്ങിയ ദേശീയ പ്രവേശന പരീക്ഷകളിൽ ഉന്നത വിജയം കരസ്ഥമാക്കാൻ കുട്ടികളെ പ്രാപ്തരാക്കുകയാണ് ലക്ഷ്യം.
ഈ സ്കോളർഷിപ്പിന് അർഹരായ വിദ്യാർത്ഥികളെ തിരഞ്ഞെടുക്കുന്നതിനായുള്ള പ്രവേശന പരീക്ഷ ജനുവരി 14 മുതൽ 25 വരെയുള്ള തീയതികളിൽ ലക്ഷദ്വീപിലെ വിവിധ കേന്ദ്രങ്ങളിൽ വെച്ച് നടക്കും. ആന്ത്രോത്ത്, അമിനി, കടമത്ത്, കവരത്തി എന്നീ ദ്വീപുകളിലാണ് പരീക്ഷാ കേന്ദ്രങ്ങൾ സജ്ജീകരിച്ചിരിക്കുന്നത്. നിലവിൽ പത്താം ക്ലാസിൽ പഠിച്ചുകൊണ്ടിരിക്കുന്ന എല്ലാ വിദ്യാർത്ഥികൾക്കും ഈ പരീക്ഷയിൽ പങ്കെടുക്കാവുന്നതാണ്. മികച്ച മാർക്ക് നേടുന്ന വിദ്യാർത്ഥികൾക്ക് പഠനത്തോടൊപ്പം പ്രവേശന പരീക്ഷാ പരിശീലനവും സൗജന്യമായി ലഭിക്കുമെന്നത് ദ്വീപിലെ രക്ഷിതാക്കൾക്കും വിദ്യാർത്ഥികൾക്കും വലിയ ആശ്വാസമാകും.
പരീക്ഷയിൽ പങ്കെടുക്കാൻ താല്പര്യമുള്ളവർ ഓൺലൈനായി രജിസ്റ്റർ ചെയ്യേണ്ടതാണ്. അപേക്ഷകൾ സമർപ്പിക്കാനായി https://docs.google.com/forms/d/e/1FAIpQLSflA2t4219eEomkIYCzLrDI8RL1sz9qFqb22XH_h841JJ_TGA/viewform?usp=publish-editor ഈ ഗൂഗിൾ ഫോം ലിങ്ക് വഴിയോ കൂടുതൽ വിവരങ്ങൾക്കായി +91 85473 44576, +91 98954 31234 എന്നീ നമ്പറുകളിലോ ബന്ധപ്പെടാവുന്നതാണ്. ലക്ഷദ്വീപിലെ വിദ്യാഭ്യാസ മേഖലയിൽ വലിയ മാറ്റങ്ങൾ ലക്ഷ്യമിടുന്ന ഈ പദ്ധതി പരമാവധി വിദ്യാർത്ഥികൾ പ്രയോജനപ്പെടുത്തണമെന്ന് ബന്ധപ്പെട്ടവർ അറിയിച്ചു.
