കിൽത്താൻ: ഒക്ടോബർ 24-ന് കിൽത്താനിൽ ആരംഭിക്കാനിരുന്ന ലക്ഷദ്വീപ് സ്കൂൾ ഗെയിംസ് (LSG) 2025 മാറ്റിവച്ചതായി സംഘാടക സമിതി അറിയിച്ചു. കായിക യുവജനകാര്യ വകുപ്പിന്റെ നിർദ്ദേശപ്രകാരമാണ് മത്സരങ്ങൾ മാറ്റിവച്ചത്.
പുതിയ തീയതികൾ പ്രഖ്യാപിച്ചിട്ടില്ല. പുതുക്കിയ തീയതികൾ വകുപ്പ് അറിയിക്കുന്ന മുറയ്ക്ക് എല്ലാ പങ്കാളിത്ത ടീമുകളെയും വിവരം ധരിപ്പിക്കുമെന്ന് ഗവ. സീനിയർ സെക്കൻഡറി സ്കൂൾ പ്രിൻസിപ്പലും സംഘാടക സമിതി ചെയർമാനുമായ ഡോ. പി. സറീന പുറത്തിറക്കിയ അറിയിപ്പിൽ പറയുന്നു.
അസൗകര്യമുണ്ടായതിൽ സംഘാടക സമിതി ഖേദം പ്രകടിപ്പിക്കുകയും എല്ലാവരുടെയും തുടർ സഹകരണവും സഹാനുഭൂതിയും അഭ്യർത്ഥിക്കുകയും ചെയ്തു. ഔദ്യോഗിക വിവരങ്ങൾ ലഭിക്കുന്ന മുറയ്ക്ക് കൂടുതൽ വിശദാംശങ്ങൾ പങ്കുവെക്കുമെന്നും അറിയിപ്പിൽ വ്യക്തമാക്കിയിട്ടുണ്ട്.
ലക്ഷദ്വീപ് സ്കൂൾ ഗെയിംസിന്റെ 34-ാം എഡിഷനാണ് കിൽത്താനിൽ നടക്കേണ്ടിയിരുന്നത്.
