കോഴിക്കോട്: 2024-2025 വർഷത്തെ ‘സ്കോളർ സ്പാർക്ക്’ ടാലന്റ് ഹണ്ട് വിജയികളെ പ്രഖ്യാപിച്ചു. ഉന്നത വിദ്യാഭ്യാസത്തിന് കൈത്താങ്ങായാണ് ശൈഖ് അബൂബക്കർ ഫൗണ്ടേഷൻ സ്കോളർ സ്പാർക്ക്’ ടാലന്റ് ഹണ്ട് പരീക്ഷകൾ സംഘടിപ്പിക്കുന്നത്. ഇന്ത്യൻ ഗ്രാൻഡ് മുഫ്തി കാന്തപുരം എ.പി. അബൂബക്കർ മുസ്ലിയാരുടെ പേരിൽ പ്രവർത്തിക്കുന്ന ഷെയ്ഖ് അബൂബക്കർ ഫൗണ്ടേഷൻ (SAF), ലക്ഷദ്വീപിലെ വിദ്യാർത്ഥികൾക്കായി നടത്തിയ ‘സ്കോളർ സ്പാർക്ക്’ ടാലന്റ് ഹണ്ട് പരീക്ഷയുടെ 2024-2025 വർഷത്തെ ഫലമാണ് പ്രഖ്യാപിച്ചത്. കഴിവും പ്രതിഭയുമുള്ള വിദ്യാർത്ഥികൾക്ക് അവരുടെ ഉന്നത വിദ്യാഭ്യാസ സ്വപ്നങ്ങൾ യാഥാർത്ഥ്യമാക്കാൻ ലക്ഷ്യമിട്ടാണ് ഈ ഫെലോഷിപ്പ് പദ്ധതി.
വിജയിച്ച വിദ്യാർത്ഥികൾക്ക് ഷെയ്ഖ് അബൂബക്കർ ഫൗണ്ടേഷന്റെ കീഴിൽ തുടർവിദ്യാഭ്യാസ പിന്തുണയും മാർഗ്ഗനിർദ്ദേശങ്ങളും ലഭ്യമാക്കും.
2026 വർഷത്തെ സ്കോളർഷിപ്പിന് അപേക്ഷ ക്ഷണിച്ചു.
ലക്ഷദ്വീപിലെയും മറ്റ് പ്രദേശങ്ങളിലെയും വിദ്യാർത്ഥികൾക്കായി, അടുത്ത അധ്യയന വർഷത്തേക്കുള്ള (2025-2026) ‘സ്കോളർ സ്പാർക്ക്’ ടാലന്റ് ഹണ്ട് പരീക്ഷയ്ക്ക് ഫൗണ്ടേഷൻ അപേക്ഷകൾ ക്ഷണിച്ചു.
▪️യോഗ്യത: നിലവിൽ എട്ടാം ക്ലാസ്സിൽ പഠിക്കുന്ന വിദ്യാർത്ഥികൾ.
▪️അവസാന തീയതി: അപേക്ഷകൾ സമർപ്പിക്കാനുള്ള അവസാന തീയതി ഡിസംബർ 15.
▪️പരീക്ഷാ തീയതി: പ്രിലിമിനറി പരീക്ഷ 2026 ഫെബ്രുവരി 8-ന്.
▪️അപേക്ഷാ രീതി: www.safoundation.in എന്ന വെബ്സൈറ്റ് വഴി ഓൺലൈനായി അപേക്ഷിക്കാം.
കൂടുതൽ വിവരങ്ങൾ ഫൗണ്ടേഷന്റെ ഔദ്യോഗിക വെബ്സൈറ്റിൽ ലഭ്യമാണ്.
