കവരത്തി: പ്രധാനമന്ത്രി മത്സ്യ സമ്പാദ യോജന (PMMSY) പദ്ധതിയുടെ ഭാഗമായി, പരമ്പരാഗത മത്സ്യത്തൊഴിലാളികൾക്ക് ആഴക്കടൽ മത്സ്യബന്ധന യാനങ്ങൾ വാങ്ങാൻ പിന്തുണ നൽകുന്നതിനായി ലക്ഷദ്വീപ് ഭരണകൂടത്തിലെ ഫിഷറീസ് ഡയറക്ടറേറ്റ് ₹7,20,00,000/- (ഏഴ് കോടി ഇരുപത് ലക്ഷം രൂപ) അനുവദിച്ചു. പത്ത് (10) ഗുണഭോക്താക്കൾക്കായി, ഓരോരുത്തർക്കും ഒരു ഫൈബർ റീഇൻഫോഴ്സ്ഡ് പ്ലാസ്റ്റിക് (FRP) പോൾ ആൻഡ് ലൈൻ കം ലോങ് ലൈനർ ആഴക്കടൽ മത്സ്യബന്ധന യാനം നിർമ്മിക്കുന്നതിനുള്ള കേന്ദ്ര വിഹിതമായാണ് (60%) ഈ തുക അനുവദിച്ചിട്ടുള്ളത്. അനുവദിച്ച ഈ തുക, ഡിസ്ട്രിക്റ്റ് ലെവൽ കമ്മിറ്റി, PMMSY-യുടെ ജോയിന്റ് അക്കൗണ്ടിൽ (UCO ബാങ്ക്) നിന്ന് പിൻവലിച്ച ശേഷം, ഗുണഭോക്താക്കൾ, വകുപ്പ്, ബാങ്ക് എന്നിവർ സംയുക്തമായി പ്രവർത്തിപ്പിക്കുന്ന എസ്ക്രോ ബാങ്ക് അക്കൗണ്ടുകളിലേക്ക് (SBI, കവരത്തി ബ്രാഞ്ച്) ക്രെഡിറ്റ് ചെയ്യും. ത്രികക്ഷി കരാർ വ്യവസ്ഥകളും PMMSY മാർഗ്ഗനിർദ്ദേശങ്ങളും അനുസരിച്ച്, ബോട്ട് നിർമ്മാണ യാർഡിന് ഡയറക്ട് ബെനിഫിറ്റ് ട്രാൻസ്ഫർ (DBT) മോഡ് വഴി ഘട്ടം ഘട്ടമായി തുക കൈമാറുന്നതാണ്. ലക്ഷദ്വീപ് അഡ്മിനിസ്ട്രേറ്ററുടെ ഉപദേഷ്ടാവിന്റെ അംഗീകാരത്തോടെയാണ് ഈ സാമ്പത്തികാനുമതി നൽകിയിരിക്കുന്നത്.
