ന്യൂഡൽഹി: ഇന്ത്യ ഇന്റർനാഷണൽ ഇൻസ്റ്റിറ്റ്യൂട്ട് ഓഫ് ഡെമോക്രസി ആൻഡ് ഇലക്ഷൻ മാനേജ്‌മെന്റിൽ (IIIDEM), ബീഹാറിൽ നിന്നുള്ള ഇലക്ടറൽ രജിസ്ട്രേഷൻ ഓഫീസർമാർ (EROs), ബൂത്ത് ലെവൽ ഓഫീസർമാർ (BLOs), ഹരിയാന, ഡൽഹി എൻ.സി.ടി, ഉത്തർപ്രദേശ് എന്നിവിടങ്ങളിൽ നിന്നുള്ള EROs, BLO സൂപ്പർവൈസർമാർ എന്നിവർക്കായി രണ്ട് ദിവസത്തെ ശേഷി വികസന പരിശീലന പരിപാടി ഇന്ത്യൻ മുഖ്യ തിരഞ്ഞെടുപ്പ് കമ്മീഷണർ (CEC) ശ്രീ ഗ്യാനേഷ് കുമാർ ഇന്ന് ഉദ്ഘാടനം ചെയ്തു. വരാനിരിക്കുന്ന പൊതുതെരഞ്ഞെടുപ്പുകൾക്കായി ഇന്ത്യൻ തിരഞ്ഞെടുപ്പ് കമ്മീഷന്റെ തയ്യാറെടുപ്പുകളുടെ ഭാഗമാണ് ഈ പരിശീലന പരിപാടി. ആകെ 369 അടിസ്ഥാന തിരഞ്ഞെടുപ്പ് ഉദ്യോഗസ്ഥർ ഈ മിക്സഡ്-ബാച്ച് പരിശീലന പരിപാടിയിൽ പങ്കെടുക്കുന്നു.
ബൂത്ത് ലെവൽ ഏജന്റുമാർക്കൊപ്പം (ബി.എൽ.എ)/ ബി.എൽ.ഒമാരും ഈ.ആർ.ഒമാരും കൃത്യവും പുതുക്കിയതുമായ വോട്ടർ പട്ടിക ഉറപ്പാക്കുന്നതിന് ഉത്തരവാദികളാണെന്നും 1950 ലെ ജനപ്രാതിനിധ്യ നിയമം, 1960 ലെ വോട്ടർമാരുടെ രജിസ്ട്രേഷൻ നിയമങ്ങൾ, ഇ.സി.ഐ കാലാകാലങ്ങളിൽ പുറപ്പെടുവിക്കുന്ന നിർദ്ദേശങ്ങൾ എന്നിവ അനുസരിച്ച് അവർ കർശനമായി പ്രവർത്തിക്കണമെന്നും ഉദ്ഘാടന പ്രസംഗത്തിൽ മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാർ പറഞ്ഞു. ഈ മാസം ആദ്യം, ബിഹാറിൽ നിന്നുള്ള 10 അംഗീകൃത രാഷ്ട്രീയ പാർട്ടികളിലെ ഏകദേശം 280 ബി.എൽ.എമാർക്കും ഐ.ഐ.ഡി.ഇ.എമ്മിൽ പരിശീലനം നൽകുകയുണ്ടായി.
വോട്ടർ രജിസ്ട്രേഷൻ, ഫോം കൈകാര്യം ചെയ്യൽ, തിരഞ്ഞെടുപ്പ് നടപടിക്രമങ്ങളുടെ ഫീൽഡ് തലത്തിലുള്ള നടത്തിപ്പ് എന്നീ മേഖലകളിൽ പങ്കെടുക്കുന്നവരുടെ പ്രായോഗിക ധാരണ വർദ്ധിപ്പിക്കുന്നതിനാണ് പരിശീലനം രൂപകൽപ്പന ചെയ്തിരിക്കുന്നത്. ഉദ്യോഗസ്ഥർക്ക് ഇ.വി.എമ്മുകളുടെയും വി.വി.പാറ്റുകളുടെയും സാങ്കേതിക പ്രദർശനങ്ങളും പരിശീലനവും നൽകും. 1950 ലെ ആർ‌പി ആക്ടിലെ സെക്ഷൻ 24(എ) പ്രകാരം ഡിഎം/ജില്ലാ കളക്ടർ/എക്സിക്യൂട്ടീവ് മജിസ്‌ട്രേറ്റ് എന്നിവരിൽ നിന്നും സെക്ഷൻ 24(ബി) പ്രകാരം സംസ്ഥാന/കേന്ദ്ര ഭരണ പ്രദേശത്തെ ചീഫ് ഇലക്ടറൽ ഓഫീസർ (സിഇഒ) യിൽ നിന്നും പ്രസിദ്ധീകരിച്ച അന്തിമ വോട്ടർ പട്ടികയ്‌ക്കെതിരായ സമർപ്പിക്കാവുന്ന ഒന്നും രണ്ടും അപ്പീലുകളുടെ വ്യവസ്ഥകളെക്കുറിച്ചും പങ്കെടുക്കുന്നവർക്ക് പരിചയം ലഭിച്ചു. 2025 ജനുവരി 6 മുതൽ 10 വരെ പ്രത്യേക സംഗ്രഹ പരിഷ്കരണ (എസ്.എസ്.ആർ) പരിപാടി പൂർത്തിയാക്കിയതിന് ശേഷം ബീഹാർ, ഹരിയാന, ഉത്തർപ്രദേശ്, ഡൽഹിയിലെ എൻ.സി.ടി എന്നിവിടങ്ങളിൽ നിന്ന് ഒരു അപ്പീലും ഫയൽ ചെയ്തിട്ടില്ലെന്ന് ഇ.സി.ഐ അറിയിച്ചു.
പരിശീലന പദ്ധതിയിൽ സംവേദനാത്മക സെഷനുകൾ, വീടുതോറുമുള്ള സർവേകൾ അനുകരിക്കുന്ന റോൾ പ്ലേകൾ, കേസ് സ്റ്റഡികൾ, ഫോമുകൾ 6, 6A, 7, 8 എന്നിവ പൂരിപ്പിക്കുന്നതിനുള്ള പ്രായോഗിക വ്യായാമങ്ങൾ എന്നിവ ഉൾപ്പെടുന്നു. കൂടാതെ, പങ്കെടുക്കുന്നവർക്ക് വോട്ടർ ഹെൽപ്പ്‌ലൈൻ ആപ്പ് (VHA), BLO ആപ്പ് എന്നിവയിൽ പ്രായോഗിക പരിശീലനവും ലഭിക്കുന്നതാണ്.
പരിചയസമ്പന്നരായ നാഷണൽ ലെവൽ മാസ്റ്റർ ട്രെയിനർമാരും (NLMT-കൾ) കമ്മീഷന്റെ ഐടി, ഇവിഎം ഡിവിഷനുകളിൽ നിന്നുള്ള വിദഗ്ദ്ധ റിസോഴ്‌സ് പേഴ്‌സൺമാരുമാണ് സെഷനുകൾ നടത്തുന്നത്. സെഷനുകൾ സംവേദനാത്മകമാണ് കൂടാതെ സാധാരണ ഫീൽഡ് ലെവൽ പിശകുകളും അവ എങ്ങനെ ഒഴിവാക്കാമെന്നും അഭിസംബോധന ചെയ്യുന്നതാണ്.
