അമിനി: വ്യത്യസ്തമായ സംഘാടനം കൊണ്ടും മികച്ച താരങ്ങളുടെ കളി മികവ് കൊണ്ടും ശ്രദ്ധേയമായ നാല് സീസണുകൾക്ക് ശേഷം ഡി.ജി എ.എൽ.എഫ് ഫുഡ്ബോൾ ടൂർണമെന്റ് പുതിയ മുന്നേറ്റത്തിന് ഒരുങ്ങുകയാണ്. കഴിഞ്ഞ സീസണിലെ ആദ്യ മൂന്ന് സ്ഥാനങ്ങളിലുള്ള ടീമുകൾ ടൂർണമെന്റിലേക്ക് യോഗ്യത നേടി. ബാക്കി വരുന്ന രണ്ടു ടീമുകൾക്ക് വേണ്ടി ചലഞ്ചേഴ്സ് ട്രോഫി എന്ന പേരിൽ ബി.ഡിവിഷൻ മാച്ചുകൾ സംഘടിപ്പിക്കുകയാണ്. ചലഞ്ചേഴ്സ് ട്രോഫിയുടെ പേരും ലോഗോയും ലക്ഷദ്വീപ് ജില്ലാ കളക്ടർ അർജുൻ മോഹൻ ഐ.എ.എസ് പ്രകാശനം ചെയ്തു.
ചലഞ്ചേഴ്സ് ട്രോഫിയിൽ ഏറ്റവും മുന്നിലെത്തുന്ന രണ്ടു ടീമുകൾക്ക് ഡി.ജി എ.എഫ്.എൽ അഞ്ചാം സീസണിലേക്ക് അവസരം ലഭിക്കുമെന്ന് സംഘാടക സമിതി അറിയിച്ചു. ലോഗോ പ്രകാശന ചടങ്ങിൽ ഡി.ജി എ.എഫ്.എൽ സംഘാടകർ സന്നിഹിതരായിരുന്നു.
