കവരത്തി: തെങ്ങിന്റെ കേന്ദ്രമായ ലക്ഷദ്വീപിൽ ആദ്യമായി കോകോ ഫെസ്റ്റിന് തയ്യാറെടുക്കുന്നു. കെ.വി.കെ ലക്ഷദ്വീപും കവരത്തി ഐലൻഡ് കോകോനട്ട് പ്രൊഡ്യൂസേഴ്സ് കോഓപ്പറേറ്റീവ് സോസൈറ്റിയും സംയുക്തമായിട്ടാണ് ഫെസ്റ്റ് സംഘടിപ്പിക്കുന്നത്. ഇതിന്റെ ഭാഗമായി ഫെസ്റ്റിന്റെ ലോഗോ ജില്ലാ കളക്ടർ അർജുൻ മോഹൻ ഐ.എ.എസ് പ്രകാശനം ചെയ്തു. കാർഷിക വകുപ്പ് സെക്രട്ടറി സന്തോഷ് കുമാർ റെഡി അധ്യക്ഷത വഹിച്ചു. കിപ്കോസ് പ്രസിഡണ്ട് മുസ്‌നാദ് പി.കെ ആശംസകൾ അർപ്പിച്ച് സംസാരിച്ചു. ലക്ഷദ്വീപ് കെ. വി. കെ ഹെഡ് ഡോ. പി. എൻ. ആനന്ത് സ്വാഗതവും കിപ്കോസ് സി.ഇ.ഓ ശിഹാബ് ബി.കെ നന്ദിയും പറഞ്ഞു.
