കവരത്തി: കവരത്തി ഐലന്റ് കോക്കനട്ട് ഫാർമെഴ്‌സ് പ്രൊഡ്യുസർ കോഓപ്പറേറ്റീവ് സൊസൈറ്റിയുടെ ആഭിമുഖ്യത്തിൽ സി.പി.സി.ആർ.ഐ യുടെയും കെ.വി.കെ ലക്ഷദ്വീപിന്റെയും സഹായത്തോടെ വെച്ച് പിടിപ്പിച്ച ഹൈബ്രീഡ് തെങ്ങിൻ തൈകളുടെ വിതരണോദ്ഘാടനം ജില്ലാ കളക്ടർ അർജുൻ മോഹൻ ഐ.എ.എസ് ഉദ്ഘാടനം ചെയ്തു. കവരത്തി എ. ടി ഐ ഹാളിൽ വെച്ച് നടന്ന പരിപാടിയിൽ കിക്പ്കോസ് പ്രസിഡണ്ട് മുസ്‌നാദ് പി. കെ അധ്യക്ഷത വഹിച്ചു. സി.ഇ.ഓ ശിഹാബ് ബി.കെ വിഷയാവതരണം നടത്തി. ലക്ഷദ്വീപ് കെ.വി.കെ പ്രിൻസിപ്പൽ സയന്റിസ്റ്റും ഹെഡുമായ ഡോ. പി. എൻ ആനന്ദ് ആശംസകൾ അർപ്പിച്ചു. ഡോ. വി. എം. അബ്ദുൽ ഗഫൂർ നന്ദി അറിയിച്ചു.
