ആന്ത്രോത്ത്: ആന്ത്രോത്ത് ഐലൻഡ് പെൻഷണേഴ്സ് വെൽഫയർ അസോസിയേഷന്റെ ആഭിമുഖ്യത്തിൽ സംഘടിപ്പിച്ച ഗാന്ധി ജയന്തി ദിനാചരണ പരിപാടികൾ വിജയകരമായി സമാപിച്ചു. ഒക്ടോബർ 2 വെള്ളിയാഴ്ച രാവിലെ 7.15-ന് ആന്ത്രോത്ത് തർവക്കാർ മുതൽ ബീച്ച് റോഡ് വരെ കേന്ദ്രീകരിച്ച് നടന്ന ശുചീകരണ ശുചിത്വ യജ്ഞത്തോടെയാണ് ദിനാചരണങ്ങൾക്ക് തുടക്കമായത്.
തുടർന്ന് രാവിലെ 8 മണിക്ക് സംഘടിത പ്രഭാത വ്യായാമ പരിശീലനവും ആരോഗ്യ ബോധവൽക്കരണ ബോധവൽക്കരണ ക്ലാസും നടന്നു. ചീഫ് മെഡിക്കൽ ഓഫീസർ ഡോ. പി. എസ്. അഷറഫ്, സീനിയർ ഫിസിക്കൽ എഡ്യൂക്കേഷൻ ടീച്ചർ കെ. കെ. ഹുസൈൻ എന്നിവർ ചടങ്ങുകൾക്ക് നേതൃത്വം നൽകുകയും ദിനാചരണത്തിന്റെ ഭാഗമായി ക്ലാസുകൾ നയിക്കുകയും ചെയ്തു.
തുടർന്ന് പങ്കെടുത്തവർക്കായി ചായയും ലഘുഭക്ഷണവും വിതരണം ചെയ്തു. പെൻഷൻകാർ, മുതിർന്ന പൗരന്മാർ, പൊതുജനങ്ങൾ തുടങ്ങി നിരവധി ആളുകൾ സജീവമായി പങ്കെടുത്ത ഈ പരിപാടിയിൽ ശൈലി വ്യായാമത്തിനായുള്ള പ്രത്യേക രജിസ്ട്രേഷൻ സൗകര്യവും ഒരുക്കിയിരുന്നു. ജനറൽ സെക്രട്ടറി എൽ. പി. ഹംസക്കോയയുടെ നേതൃത്വത്തിലാണ് പരിപാടികൾ വിജയകരമായി പൂർത്തിയാക്കിയത്.
