കവരത്തി: കവരത്തി ആൾ ഇന്ത്യ റേഡിയോയിൽ ലക്ഷദ്വീപ് എം.പി അഡ്വ ഹംദുള്ളാ സഈദ് സന്ദർശനം നടത്തി. റേഡിയോ നിലയം സന്ദർശിച്ച ഹംദുള്ളാ സഈദ് അവിടുത്തെ കാര്യങ്ങൾ മനസ്സിലാക്കുകയും അവിടുത്തേക്ക് വേണ്ട ആവശ്യങ്ങൾ ചോദിച്ചറിയുകയും ഉദ്യോഗസ്ഥരുമായി സമയം ചിലവഴിക്കുകയും ചെയ്തു.
ഫാട്ടുഫെട്ടി, ഫെൺഫോരിഷ, പവിഴ മണ്ണിലെ സാഹിത്യം തുടങ്ങി ലക്ഷദ്വീപിനെ ആസ്പതമാക്കി നിർമ്മിക്കുന്ന മികച്ച പ്രോഗ്രാമുകളുമായി മുന്നേറുന്ന ആകാശവാണി കവരത്തി നിലയത്തെ ഇനിയും ഉയരങ്ങളിലെത്തിക്കണമെന്നാണ് ആഗ്രഹിക്കുന്നതെന്ന് അദ്ദേഹം പറഞ്ഞു. അതിനാവശ്യമായ പരിശ്രമങ്ങൾ തുടർന്നും നടത്തുമെന്ന് അദ്ദേഹം ജീവനക്കാർക്ക് ഉറപ്പു നൽകി. ആൾ ഇന്ത്യ റേഡിയോ കവരത്തി നിലയം അസിസ്റ്റന്റ് ഡയറക്ടർ ശ്രീ.ജോസ്.പി.യു അദ്ദേഹത്തെ അനുഗമിച്ചു.
