കോഴിക്കോട്: സന്തോഷ് ട്രോഫി ദേശീയ ഫുട്ബോൾ ചാമ്പ്യൻഷിപ്പ് ഗ്രൂപ്പ് എച്ചിൽ ഇന്ന് ലക്ഷദ്വീപ്-പോണ്ടിച്ചേരി പോരാട്ടം. രാവിലെ 07.30 -നാണ് മത്സരം നടക്കുക. കോഴിക്കോട് ഇ.എം.എസ് കോർപ്പറേഷൻ സ്റ്റേഡിയത്തിലാണ് ഗ്രൂപ്പ് എച്ച് മത്സരങ്ങൾ നടക്കുന്നത്. പോണ്ടിച്ചേരിക്ക് പുറമെ കേരളാ, റെയിൽവേസ് ടീമുകളാണ് ഗ്രൂപ്പ് എച്ചിൽ ഉള്ളത്. ഇന്നത്തെ ആദ്യ കളി കഴിഞ്ഞാൽ വെള്ളിയാഴ്ച കേരളവുമായും ഞായറാഴ്ച റെയിൽവേസ് ടീമുമായും ലക്ഷദ്വീപ് ഏറ്റുമുട്ടും.
