ആന്ത്രോത്ത്: പാഠപുസ്തകങ്ങൾക്കപ്പുറം വിദ്യാർത്ഥികൾ ലോകത്തെ ആഴത്തിലറിയാനും വിദ്യാർത്ഥികളുടെ കഴിവുകളെ പരിപോഷിപ്പിക്കുന്നതിന്റെയും ഭാഗമായി ഫോട്ടോഗ്രാഫി വർക്ക്‌ ഷോപ്പ് സംഘടിപ്പിച്ചു. 10,11,12 ക്ലാസ്സിലെ കുട്ടികൾക്കുവേണ്ടിയാണ് പ്രമുഖ ഫോട്ടോഗ്രാഫർ തസ്ബീർ ഖാന്റെ നേതൃത്വത്തിൽ വർക്ക്‌ഷോപ്പ് നടന്നത്. ഇന്ന് ഉച്ചക്ക് രണ്ട് മണിക്ക് എംജി എസ് എസ് എസ് ഓഡിറ്റോറിയത്തിൽ വെച്ച് നടന്ന പരിപാടിക്ക് മുഫ്തി മുബാറക് മാസ്റ്റർ സ്വാഗതം പറഞ്ഞു. റിട്ട. അസിസ്റ്റന്റ് ഹെഡ്മാസ്റ്റർ എം കെ പി സയ്യിദ് ഇസ്മായിൽ ആശംസകൾ അറിയിച്ചു. പ്രിൻസിപ്പാൾ ഇൻ ചാർജ് എ പി താഹിറ അധ്യക്ഷത വഹിച്ച ചടങ്ങ് ഡെപ്യൂട്ടി കളക്ടർ കം സിഇഓ ബുസർ ജംഹർ, ഡാനിക്സ് ഉത്ഘാടനം നിർവഹിച്ചു. സബ്. ലെഫ്റ്റനന്റ് പി സായിദ് അമാനുള്ള പങ്കെടുത്തു. പരിപാടിയിൽ മുഖ്യാഥിതിയായിരുന്ന തസ്ബീർ ഖാൻ കുട്ടികളുമായി സംവദിച്ചു. കെ എം അസ്ഹറുദ്ധീൻ മാസ്റ്റർ ചടങ്ങിന് നന്ദി അറിയിച്ചു.
