റിപ്പോർട്ട്: അബ്ദുൽ സലാം കെ.ഐ
കവരത്തി: ശിക്ഷാ സപ്താഹിന്റെ ഭാഗമായി കവരത്തി പി.എം ശ്രീ കേന്ദ്രീയ വിദ്യാലയത്തിൽ വൃക്ഷത്തൈകൾ നട്ടു പിടിപ്പിച്ചു. കേന്ദ്രീയ വിദ്യാലയത്തിലെ ഇക്കോ ക്ലബ്ബ് ഫോർ മിഷൻ ലൈഫിന്റെ ഭാഗമായി നടന്ന ചടങ്ങ് റേഞ്ച് ഫോറസ്റ്റ് ഓഫിസർ സെയ്ദ് ശൈക്കോയ ഉദ്ഘാടനം ചെയ്തു. കേന്ദ്രീയ വിദ്യാലയം പ്രിൻസിപ്പൽ എൻ.കെ ലാൽ, ഡയറ്റ് പ്രിൻസിപ്പൽ ഡോ.മിർസാദ്, രക്ഷിതാക്കൾ ഉൾപ്പെടെ ബഹുജന പങ്കാളിത്തത്തോടെ നടന്ന വൃക്ഷത്തൈ നടൽ ശ്രദ്ധേയമായി.
തുടർന്ന് നടന്ന ചടങ്ങിൽ കവരത്തി കേന്ദ്രീയ വിദ്യാലയത്തിൽ നിന്നും കഴിഞ്ഞ വർഷം ഏറ്റവും കൂടുതൽ മാർക്കോടെ പത്താം ക്ലാസിൽ നിന്നും വിജയിച്ച മിനിക്കോയ് ദ്വീപ് സ്വദേശി കുമാരി ഫഹ്മിദാ അനിസിനെ ആദരിച്ചു. വിദ്യാർത്ഥികളുടെ വിവിധ പരിസ്ഥിതി ബോധവത്കരണ പരിപാടികളും നടന്നു.
