കവരത്തി: വയനാട് ഉരുൾപൊട്ടലിൽ ദുരിതമനുഭവിക്കുന്നവരെ സഹായിക്കാൻ കവരത്തി കേന്ദ്രീയ വിദ്യാലയത്തിലെ വിദ്യാർത്ഥികൾ സാമൂഹിക മാധ്യമമായ ഇൻസ്റ്റാഗ്രാമിൽ പങ്കുവെച്ച വീഡിയോ ശ്രദ്ധേയമാവുന്നു.
കേന്ദ്രീയ വിദ്യാലയത്തിലെ വിദ്യാർത്ഥികളായ റൈഹാൻ ജെ മുഹമ്മദ്, റയാൻ ജെ മുഹമ്മദ്, ഐമൻ ആഖിബ് സമൻ എന്നിവർ ചേർന്ന് സഹായം അഭ്യർത്ഥിക്കുന്ന വീഡിയോയാണ് പങ്കുവെച്ചത്. പത്തു രൂപ വീതം സഹായധനം നൽകി ദുരിതമനുഭവിക്കുന്നവരുടെ കൂടെ നിൽക്കണം എന്നാണ് അഭ്യർത്ഥന. ഓരോ ചെറിയ സംഖ്യകളും വലിയ സഹായങ്ങളായി മാറും എന്ന് അവർ പറഞ്ഞു.
