കവറത്തി: ലക്ഷദ്വീപ് ഭരണകൂടത്തിന് കീഴിൽ പ്രവർത്തിക്കുന്ന DANICS ഉദ്യോഗസ്ഥരുടെ വകുപ്പുതല ചുമതലകൾ പുനഃക്രമീകരിച്ച് പുതിയ ഉത്തരവിറക്കി. 2026 സെപ്റ്റംബർ 2-ന് ലക്ഷദ്വീപ് അഡ്മിനിസ്ട്രേഷന്റെ സെക്രട്ടേറിയറ്റ്-സർവീസസ് വിഭാഗമാണ് ഓഫീസ് ഉത്തരവ് പുറപ്പെടുവിച്ചിരിക്കുന്നത്.
പുതിയ ഉത്തരവ് പ്രകാരം വിവിധ ഉദ്യോഗസ്ഥർക്ക് നൽകിയിട്ടുള്ള ചുമതലകൾ താഴെ പറയുന്നവയാണ്:
- ശ്രീ വിക്രം സിംഗാൾ (DANICS:2010): ഹെൽത്ത് ഡയറക്ടർ, NHM മിഷൻ ഡയറക്ടർ, ലീഗൽ മെട്രോളജി ഡയറക്ടർ, പ്രിന്റിംഗ് & സ്റ്റേഷനറി ഡയറക്ടർ, ആർട്സ് & കൾച്ചർ ഡയറക്ടർ, കലാ അക്കാദമി സെക്രട്ടറി, LCMF അഡ്മിനിസ്ട്രേറ്റർ.
- ശ്രീ എം. ഭരണി (DANICS:2020): എഡ്യൂക്കേഷൻ ഡയറക്ടർ, സ്പോർട്സ് & യൂത്ത് അഫയേഴ്സ് ഡയറക്ടർ, ഇൻഫർമേഷൻ ടെക്നോളജി ഡയറക്ടർ, ഇൻഡസ്ട്രീസ് ഡയറക്ടർ, ലോ ഡയറക്ടർ.
- ശ്രീ അവിനാഷ് സിംഗ് (DANICS:2022): ഫിനാൻസ്, ഹോം, സർവീസസ്, വിജിലൻസ് എന്നീ വിഭാഗങ്ങളുടെ സ്പെഷ്യൽ സെക്രട്ടറി, അർബൻ ഡെവലപ്മെന്റ് ഡയറക്ടർ, റൂറൽ ഡെവലപ്മെന്റ് ഡയറക്ടർ, പഞ്ചായത്ത് ഡയറക്ടർ.
- ശ്രീ മുകുന്ദ് വല്ലഭ് ജോഷി (DANICS:2022): ഫിഷറീസ് ഡയറക്ടർ, അഗ്രികൾച്ചർ ഡയറക്ടർ, അനിമൽ ഹസ്ബൻഡറി ഡയറക്ടർ, പ്ലാനിംഗ് സ്റ്റാറ്റിസ്റ്റിക്സ് & ടാക്സേഷൻ ഡയറക്ടർ, റോഡ് ട്രാൻസ്പോർട്ട് ഡയറക്ടർ, ഇൻഫർമേഷൻ & പബ്ലിക് റിലേഷൻസ് ഡയറക്ടർ, സയൻസ് & ടെക്നോളജി ഡയറക്ടർ, LCMF മാനേജിംഗ് ഡയറക്ടർ.
- ശ്രീ ജഗദീഷ് ശർമ്മ (DANICS:2024): അഡീഷണൽ ഡിസ്ട്രിക്റ്റ് മജിസ്ട്രേറ്റ്, കവറത്തി ഡെപ്യൂട്ടി കളക്ടർ, ജനറൽ അഡ്മിനിസ്ട്രേഷൻ & പ്രോട്ടോക്കോൾ ഡയറക്ടർ, ജില്ലാ പഞ്ചായത്ത് ചീഫ് എക്സിക്യൂട്ടീവ് ഓഫീസർ.
- ശ്രീ ശശി കുമാർ (DANICS:2025): കിൽത്താൻ, ചെത്ലാത്ത്, ബിത്ര എന്നിവയുടെ ഡെപ്യൂട്ടി കളക്ടർ (ആസ്ഥാനം: കിൽത്താൻ).
ലക്ഷദ്വീപ് അഡ്മിനിസ്ട്രേറ്ററുടെ അഡ്വൈസറുടെ അംഗീകാരത്തോടെ സ്പെഷ്യൽ സെക്രട്ടറി (സർവീസസ്) ആണ് ഈ ഉത്തരവ് പുറപ്പെടുവിച്ചിട്ടുള്ളത്.
