ആന്ത്രോത്ത്: സ്പോർട്സ് അതോറിട്ടി ഓഫ് ഇന്ത്യയുടെ ആന്ത്രോത്ത് സ്പോർട്സ് ട്രൈനിംഗ് സെന്ററിന് കീഴിൽ ദ്വിദിന വോളിബോൾ ഖേലോ ഇന്ത്യ റൈസിംഗ് ടാലൻ്റ് ഐഡൻ്റിഫിക്കേഷൻ അസസ്‌മെൻ്റ് ടെസ്റ്റ് സംഘടിപ്പിക്കുന്നു. ഈ മാസം 25, 26 തിയ്യതികളിലായാണ് ട്രൈനിംഗ് സംഘടിപ്പിക്കുന്നത്. 18 വയസ്സിന് താഴെയുള്ളവർക്ക് ട്രൈനിംഗിൽ പങ്കെടുക്കാം. ആദ്യം പേര് രജിസ്റ്റർ ചെയ്യുന്ന നൂറ് കുട്ടികൾക്കായിരിക്കും അവസരം ലഭിക്കുക.
കുട്ടികളിലെ ടാലന്റ് കണ്ടെത്തുന്നതിനും, അത് പരിപോഷിപ്പിക്കുന്നതിനും വേണ്ടിയാണ് സായ് സെന്ററിന് കീഴിൽ വിവിധ ട്രൈനിംഗ് സെഷനുകൾ സംഘടിപ്പിക്കുന്നത്. രജിസ്റ്റർ ചെയ്യാൻ ആഗ്രഹിക്കുന്ന വിദ്യാർത്ഥികൾ സായ് സെന്ററുമായി ബന്ധപ്പെടേണ്ടതാണ്.
