കവരത്തി: തപാൽ വോട്ടുകൾക്ക് ശേഷം ആദ്യ റൗണ്ടിൽ ബിത്ര, ചേത്ത്ലാത്ത്, കിൽത്താൻ എന്നീ ദ്വീപുകൾക്ക് പുറമെ കടമത്ത് ദ്വീപിലെ മൂന്ന് ബൂത്തുകളിലെ എണ്ണൽ കൂടി പൂർത്തിയായി. ബിത്രയിൽ ഒരു ബൂത്ത്, ചെത്ത്ലാത്ത് ദ്വീപിൽ രണ്ട് ബൂത്തുകൾ, കിൽത്താൻ ദ്വീപിൽ നാല് ബൂത്തുകളാണ് ഉള്ളത്. കടമത്ത് ദ്വീപിൽ ആകെയുള്ള അഞ്ച് ബൂത്തുകളിൽ മൂന്ന് ബൂത്തുകളാണ് ആദ്യ റൗണ്ടിൽ എണ്ണിയത്. ആകെ പത്ത് ബൂത്തുകളിലെ എണ്ണൽ പൂർത്തിയായപ്പോൾ 639 വോട്ടിന് കോൺഗ്രസ് സ്ഥാനാർത്ഥി ഹംദുള്ളാ സഈദ് മുന്നിട്ട് നിൽക്കുന്നു.
മുഹമ്മദ് ഫൈസൽ – 3677
ഹംദുള്ളാ സഈദ് – 4316
യൂസുഫ് ടി.പി – 67
കോയാ – 5
നോട്ടാ – 14
കടമത്ത് ദ്വീപിലെ ബാക്കി രണ്ടു ബൂത്തുകൾ രണ്ടാം റൗണ്ടിലാണ് എണ്ണുക. അതോടൊപ്പം അമിനി ദ്വീപിലെ ആറ് ബൂത്തുകളും, ആന്ത്രോത്ത് ദ്വീപിലെ പണ്ടാത്ത് പ്രദേശത്തുള്ള രണ്ടു ബൂത്തുകളുമാണ് രണ്ടാം റൗണ്ടിൽ എണ്ണുന്നത്. രണ്ടാം റൗണ്ടിലെ എണ്ണൽ പുരോഗമിക്കുകയാണ്. എത്രയും പെട്ടെന്ന് കണക്കുകൾ അറിയാൻ ദ്വീപ് മലയാളിയോടൊപ്പം തുടരുക.
